कोपरगांव प्रतिनिधी:-
तालुक्यातील कोकमठाण सहकारी सोसायटीच्या सभासदांना दिवाळीनिमीत्त १० टक्के लाभांशाचे वाटप करण्यांत आल्याची माहिती जिल्हा भाजपाचे उपाध्यक्ष शरद थोरात व संस्थेचे अध्यक्ष विलासराव देशमुख, उपाध्यक्ष वाल्मीक बिडवे यांनी दिली. सर्वप्रथम लाभांशाचे मानकरी गणपतराव दुशिंग ठरले आहेत.
प्रारंभी कोकमठाण सोसायटीचे संचालक आण्णासाहेब लोहकणे यांनी प्रास्तविक केले तर संचालक सर्वश्री. वसंतराव गायकवाड, ताराचंद रक्ताटे, सतिष रक्ताटे, रामभाउ रक्ताटे, वाल्मीकराव लोंढे, वसंतराव साबळे, शिवाजीराव देशमुख, सुकदेव पवार, रमेश वाघ, राजेंद्र कवडे, काशिनाथ फटांगरे यांनी उपस्थितांचे स्वागत केले.
सोसायटीचे अध्यक्ष विलासराव देशमुख यांनी जिल्हा सहकारी बँकेचे संचालक विवेक कोल्हे यांच्या मार्गदर्शनाखाली शेतकरी सभासदांसाठी असलेल्या योजनांची माहिती देत कोरोना महामारीत सर्वांनी नियमांचे पालन करून कुटूंबाची काळजी घेतली तर संजीवनी उद्योग समुहाचे अध्यक्ष बिपीनदादा कोल्हे यांनी सातत्याने कोरोना योध्दांचा सन्मान करून घरोघर मोफत सॅनिटायझरचे वाटप करून जंतुनाशक फवारणीसाठी मोठे सहकार्य केले. युवानेते विवेक कोल्हे यांनी आत्मा मलिक सेंटर येथे मोफत संजीवनी कोविड केअर सेंटर उघडुन शेकडो रुग्णांना बरे केले त्यांची ही कामगिरी अविस्मरणीय आहे. भाजपाचे जिल्हा उपाध्यक्ष शरद थोरात यांनी शेतक-यांनी सोसायटीकडुन घेतलेल्या शेती कर्जाचा योग्य विनीयोग करून त्याची परतफेड प्राधान्याने करावी व रब्बी लागवडीसाठी सज्ज व्हावे असे आवाहन सभासदांना केले. शेवटी सचिव श्री. दातिर यांनी आभार मानले.
फोटोओळी:-कोपरगांव
कोकमठाण सहकारी सोसायटीच्या सभासदांना दिवाळीनिमीत्त १० टक्के लाभांशाचे वाटप अध्यक्ष विलासराव देशमुख, उपाध्यक्ष वाल्मीक बिडवे व सर्व संचालकांचे हस्ते प्रथम मानकरी गणपतराव दुशिंग यांना प्रदान करतांना.