कोपरगाव प्रतिनिधी:-
कोपरगांव येथील संजीवनी इंग्लिश मिडीयम स्कूल या शाळेत ७७ वा प्रजासत्ताक सोहळा आयोजित केला होता. या वेळी मुख्य अतिथी सहकारमहर्षी शंकरराव कोल्हे सहकारी साखर कारखाना उपाध्यक्ष श्री. ज्ञानेश्वर बापू परजणे हे होते. त्यांच्या हस्ते ध्वजारोहण करण्यात आले. यावेळी शाळेच्या मॅनेजिंग ट्रस्टी सौ. रेणुका ताई विवेक भैय्या कोल्हे, कारखाना संचालक श्री. बाबुराव बारहाते, संचालक श्री. फकीरराव बोरनारे, शाळेचे ट्रस्टी श्री. संजयराव होन, संस्थेचे सेक्रेटरी श्री. कानवडे साहेब, संस्थेचे अधिकारी श्री. विशाल वाजपेयी, प्राचार्य मोहसीन शेख, विद्यार्थी, पालक उपस्थित होते.
यावेळी सौ. रेणुका ताई विवेक भैय्या कोल्हे यांनी उपस्थित सर्वांना प्रजासत्ताक दिनाचे महत्व आपल्या भाषणातून सांगितले. मुख्य अतिथी श्री. ज्ञानेश्वर परजणे यांनी शाळेतील उपक्रमाचे कौतुक आपल्या भाषणातून केले. शाळेतील विद्यार्थी यांनी महाराष्ट्राचा पारंपारिक खेळ लाठी काठी चे उत्कृष्ट सादरीकरण केले. शाळेतील विद्यार्थी यांनी राष्ट्रगीत, ध्वजगीत, महाराष्ट्र गीत सादर केले. यावेळी शाळेतील विद्यार्थ्यांनी अनुक्रमे इंग्लिश, हिंदी, मराठी भाषेत भाषण केले. शाळेचे क्रीडा प्रमुख अनुप गिरमे यांच्या मार्गदर्शनाने शाळेच्या विद्यार्थी यांनी मानवंदना दिली. या संपूर्ण कार्यक्रमाचे सूत्रसंचलन कु. वेदश्री दरेकर व कु. आरवा देसाई या 8 वी वर्गातील मुलींनी केले. शाळेचे मुख्याध्यापक मोहसिन शेख यांनी सर्वांचे आभार मानले.
या वेळी उपस्थित विद्यार्थी, पालक यांना मिठाई वाटप करण्यात आले.
या संपूर्ण कार्यक्रमाचे आयोजन शाळेचे मुख्याध्यापक मोहसिन शेख यांच्या मार्गदर्शनाने दिपक बोळींज, अनुप गिरमे, विशाल परजणे, विजय पोळ, जाहिद कुरेशी, सौ. स्मिता दरेकर, सौ. छाया सुरालकर यांनी केले. त्यांना सर्व शिक्षक, शिक्षीका,शिक्षकेतर कर्मचारी यांनी सहकार्य केले.