कोपरगाव प्रतिनिधी:-
काळेंच्या पदाधिकाऱ्यांची गत म्हणजे नाचता येईना अंगण वाकडे अशी झाली आहे.जे सुधाकर रोहोम हे स्वतः राहत असलेल्या कोकमठाण गावच्या कोट्यवधी रुपयांचे पाणीपुरवठा योजनेचे काम तसेच वीज पुरवठा उपकेंद्र देखील माजी आमदार सौ.स्नेहलताताई कोल्हे यांच्या निधीतून व प्रयत्नातून झाले आहे.या कामांवर जाऊन विद्यमान आमदारांनी सवयीप्रमाणे फोटोसेशन केले व या कामांचे श्रेय घेण्याचा केविलवाणा प्रयत्न केला.या गोष्टींचा सुधाकर रोहोम यांना विसर पडला असेल तरीही जनतेला पडलेला नाही.अशा अपूर्ण माहितीवर बोलणाऱ्या सुधाकर रोहोम यांनी कोल्हेंच्या कामाचे मोजमाप काढणे म्हणजे नेत्याच्या मर्जीसाठी स्वतःच्या अकलेचे दिवाळे काढण्याचाच हा प्रकार आहे अशी घणाघाती टिका भाजपा तालुकाध्यक्ष साहेबराव रोहोम यांनी केली आहे.
एन एच ७५२ जी या रस्त्यास केंद्रीय मंत्री नितीनजी गडकरी यांच्या माध्यमातून निधी मिळून कामाला सुरुवात झाली,त्याचे श्रेय मिळण्यासाठी व स्वतःच्या प्रसिद्धीसाठी आमदार काळे व त्यांचे कार्यकर्ते नको तितका आटा पिटा करीत आहेत,त्यामुळेच उलटफेर बातम्या पेरण्याचा नौटंकी डाव खेळण्याची नामुष्की त्यांच्यावर ओढवली आहे.प्रसिद्धीची हाव असलेल्या आमदार काळे यांना असे वाटत असेल की त्यांनी नामदार नितीनजी गडकरी साहेब यांची भेट घेतली म्हणूनच हे काम झाले असा त्यांचा भास असेल तर त्यांनी थोडा गृहपाठ करण्याची गरज आहे.भाजपाचे मंत्री ना.नितीनजी गडकरी यांनी केलेले निधी मंजुर केलेले काम हे माजी आमदार सौ.कोल्हे ताई यांनी वारंवार केलेल्या पाठपुराव्यामुळे केले हे मान्य करण्याची इच्छाशक्ती आमदार काळे व त्यांच्या कार्यकर्त्यांची नाही मात्र निदान भारतीय जनता पक्षाच्या केंद्रीय मंत्री महोदयांनी केलेले हे काम आहे यासाठी आभार मानाण्याचे मोठेपण तरी काळे यांनी दाखवणे अपेक्षित होते.आमदार काळे यांचा हा सर्व खटाटोप कशासाठी सुरू आहे हे कळण्याएवढी जनता सुज्ञ आहे.परंतु दुर्दैवाने आमदार काळेंच्या पदाधिकाऱ्यांना व कार्यकर्त्यांना याची समज नसावी हे अजबच आहे.नेतेच अर्धवट प्रचार करत प्रसिद्धी लाटत असतील तर कार्यकर्ते काय करणार असा खरमरीत टोला रोहोम यांनी लगावला आहे.
ज्या सुधाकर रोहोम यांना कोळपेवाडी कारखान्याची व्हाईस चेअरमन पदाची गाडी मिळाली आहे तिच्यात बसून ते रोज कारखान्याकडे ज्या रस्त्याने जातात तो रस्ता देखील माजी आमदार सौ.कोल्हे ताई यांच्या निधीतून झालेला आहे.त्यामुळे रोहोम यांनी इतरांचे कामाचे हिशोब काढू नये.आपल्याला जर सौ.कोल्हे ताईंच्या कार्यकाळातील कामांची यादी पाहिजे असेल तर घरापासून निघालात तरी दिसेल रस्ता,पाणी,वीज हे मूलभूत प्रश्न सुटण्यासाठी कोणी खरे काम केले होते.निवडणुकीत हार जीत हा भाग जरी असला तरी जनतेची दिशाभूल करत प्रचार करून सत्तेत जाणे हे क्वचितच अपघाताने घडते.असे पुन्हा पुन्हा घडेल अश्या भ्रामक कल्पनेत आमदार काळे व त्यांच्या कार्यकर्त्यांनी राहू नये.कारण आमदार काळेंच्या वाट्याला आलेला विजय हा निसटता आहे,त्या विजयाची धुंदी येऊन गेली दोन वर्षे कुठलेही ठोस काम न करता मात्र स्वतःची पाठ थोपटन्यासाठी कार्यकर्त्यांकडून स्वतःवर जेसीबीने गुलाल उधळत,डोली बाजा व फटाके वाजवत केलेले कोडकौतुक हा श्री साईबाबांच्या श्रद्धा आणि सबुरी मंत्राचा आमदार काळे यांना पडलेला विसर आहे याची पावती आहे.माजी आमदार सौ.कोल्हे ताई यांचे निधीतील काम बघायचे असेल तर विद्यमान आमदार काळे यांच्या घराकडे जाणारा रस्ता देखील कोल्हे ताईंच्या निधीतून झालेला आहे हे सुधाकर रोहोम यांनी आमदार काळे यांच्याशी खाजगीत बोलून खात्री करून घ्यावी,असा जळजळीत सवाल करून साहेबराव रोहोम यांनी सुधाकर रोहोम यांची चांगलीच खरडपट्टी काढली आहे.
चौकट- कोपरगाव शहरातील गोकुळनगरी पुलासाठी आमदार काळे यांचा कवडीचा निधी नसतांना स्वतःच्या नावाची कोनशीला का लावली..?याखेरीज शहरासह ग्रामीण भागात एकही ठोस काम आमदार काळे यांना आजवर करता आलेले नाही,हि वस्तुस्थिती झाकण्यासाठी चाललेला खटाटोप जनता जाणून आहे,याची अपघाताने व्हाईस चेअरमन झालेल्या व गॅरेजचा अनुभव असलेल्या सुधाकर रोहोम यांनी जाणीव ठेवावी व आपला गॅरेजचा अनुभव कारखान्याच्या कामासाठी वापरावा त्याचा राजकीय वापर करून जे आपले क्षेत्र नाही त्यात आपले कसब पणाला लावू नये असा सल्लाही रोहोम यांना साहेबराव रोहोम यांनी दिला.