कोपरगाव प्रतिनिधी:-
कोळपेवाडी वार्ताहर – राष्ट्रवादी काँग्रेस पक्षाचा २५ वा वर्धापन दिन आ.आशुतोष काळे यांच्या मार्गदर्शनाखाली मोठ्या उत्साहात साजरा करण्यात येवून राष्ट्रवादी काँग्रेस पक्षाच्या कार्यकर्त्यांच्या हस्ते ध्वजारोहण करण्यात आले.
कोपरगाव मतदार संघात राज्याचे उपमुख्यमंत्री ना.अजितदादा पवार यांच्या सहकार्यातून आ.आशुतोष काळे यांनी विकासाचा डोंगर उभा केला आहे. मतदार संघातील रस्ते,वीज,पाणी,आरोग्य आदी विकासाचे बहुतांशी मूलभूत प्रश्न सुटले असून मतदार संघातील जनता आ.आशुतोष काळे यांच्या कामगिरीवर समाधानी आहे.मतदार संघातील इतरही विकासाचे प्रश्न यापुढील काळात आ.आशुतोष काळे सोडविणार असून मतदार संघाच्या विकासाची गती यापुढेही कायम राहणार आहे.त्यामुळे सर्वसामान्य जनतेच्या प्रश्नांशी बांधील असणाऱ्या व जनतेचे हित साधणाऱ्या राष्ट्रवादी काँग्रेस पक्षाची विचारधारा समाजातील तळागाळातील जनतेपर्यंत पोहोचवण्याचा व आ.आशुतोष काळे यांचे बाहू बळकट करण्याचा सर्व कार्यकर्त्यांनी यावेळी एकमुखी निर्धार केला.
याप्रसंगी मतदार संघातील राष्ट्रवादी कॉंग्रेस पक्षाचे पदाधिकारी, माजी नगरसेवक व कार्यकर्ते मोठ्या संख्येने उपस्थित होते.
फोटो ओळ- कोपरगाव शहरात राष्ट्रवादी कॉंग्रेस पक्षाचा २५ वा वर्धापन दिन साजरा.