कोपरगांव प्रतिनिधी:-
क्रीडा संस्कृती फाऊंडेशन,नासिक आयोजित राज्य आदर्श शिक्षक पुरस्कार वितरण सोहळा हाॕकीचे जादुगर मेजर ध्यानचंद यांचे चिरंजीव,अर्जुन पुरस्कार प्राप्त श्री.अशोक ध्यानचंद यांचे हस्ते नुकताच संपन्न झाला.यामध्ये श्रीमान गोकुळचंदजी विदयालयांचे मुख्याध्यापक श्री.मकरंद को-हाळकर यांना हा पुरस्कार श्री.अशोक ध्यानचंद यांचे प्रदान करण्यात आला.त्या प्रसंगी छत्रपती पुरस्कार विजेते व महाराष्ट्र आँलिंपिक असो.सदस्य श्री.अशोक दुधारे,मुंबई हाॕकी असो.चे सचिव श्री.रणबिरसिंग,सदस्य श्री.रणजित सिंग,टेनिस व्हाॕलीबाॕल असो.चे श्री. उदय खरे,दीपक निकम आदी मान्यवर उपस्थित होते.
श्री.मकरंद को-हाळकरसर हे जुन ९१-९२ पासुन क्रीडा शिक्षक म्हणून कार्यरत असुन त्यांनी क्रीडा शिक्षक म्हणून काम करतांना विविध राज्य व राष्ट्रीय स्पर्धाचे आयोजन यशस्वीपणे केले आहे.तसेच क्रीडा शिक्षक म्हणून काम करताना अनेक राज्य व राष्ट्रीय पातळीवरील खेळाडु घडविले आहेत.विविध खेळाच्या राष्ट्रीय व राज्य संघटनेवर ते कार्यरत असून विदयालयांत विज्ञान शिक्षक म्हणून काम करतांना जिल्हा विज्ञान व तालुका विज्ञान संघटनेत त्यांनी काम केले आहे.राज्य व जिल्हा विज्ञान प्रदर्शन मध्ये विदयालयातील विविध विद्यार्थीना मार्गदर्शन केले आहे.
सन२०-२१ पासुन श्रीमान गोकुळचंदजी विदयालयाच्या मुख्याध्यापक म्हणून कार्यरत असून त्यांनी कोरोना काळात देखिल आॕनलाईन शिक्षण विशिष्ट पध्दतीने सुरुच ठेवले.विविध क्रीडा व शैक्षणिक विषयावर विविध माध्यमातुन लिखाण देखिल केले आहे.यापुर्वी त्यांना क्रीयाशिल विज्ञान शिक्षक व आदर्श क्रीडा शिक्षक हा पुरस्कार देखिल प्राप्त झाला आहे.
श्री.मकरंद को-हाळकर यांना हा पुरस्कार मिळाल्या मिळाल्या बद्दल कोपरगांव एज्युकेशन सोसायटीचे अध्यक्ष कैलास ठोळे,सचिव दिलीपकुमार अजमेरे,सहसचिव सचिन अजमेरे,स्थानिक स्कुल कमेटीचे चेअरमन श्री.चंद्रकांत ठोळे,श्री.संदीप अजमेरे,विदयालयाचे उपमुख्याध्यापक श्री.आर.बी. गायकवाड,जेष्ठ शिक्षिका यु.एस. रायते मॅडम, श्रीमान गोकुळचंदजी विद्यालयांचे संपूर्ण परीवाराने त्यांचे अभिनंदन केले आहे.