कोपरगांव प्रतिनिधी:-
तालुक्यातील दहेगांव बोलका येथील बाळासाहेब सिताराम वल्टे यांचे अपघाती निधन झाले होते, त्यांच्या वारस श्रीमती. शोभा बाळासाहेब वल्टे यांना सहकारमहर्षी शंकरराव कोल्हे सहकारी साखर कारखान्याने उतरविलेल्या सभासद विमा पॉलीसीअंतर्गत दोन लाख रुपयांचा विमा धनादेश शनिवारी उपाध्यक्ष आप्पासाहेब दवंगे यांच्या हस्ते प्रदान करण्यात आला.
प्रारंभी माजी उपाध्यक्ष त्र्यंबकराव सरोदे म्हणाले की, कारखान्यांचे अध्यक्ष बिपीनदादा कोल्हे यांच्या संकल्पनेतून, सभासद व कामगारांचा विमा उतरविण्यांत आला आहे. बाळासाहेब सिताराम वल्टे यांचे 22 जून रोजी रस्ते अपघातात अकाली निधन झाले, त्याबाबत कागदपत्रांची पुर्तता श्रीमती शोभा व सुपुत्र अभिलाष बाळासाहेब वल्टे यांनी करून दिली. उपाध्यक्ष आप्पासाहेब दवंगे या प्रसंगी बोलताना म्हणाले की, कुटुंबातील कर्ता व्यक्ती अकाली मृत झाला तर त्या कुटुंबावर मोठे आघात होतात. विमा धनादेश रक्कम हा त्या कुटूंबाला एक आधार आहे. युवानेते बिपीनदादा कोल्हे हे प्रत्येक आपत्तीत सातत्याने मदत करत असतात, तेव्हा सध्याच्या काळात प्रत्येकाने आपली सुरक्षा म्हणून विमा संरक्षण घेतलेच पाहिजे. शेवटी संचालक फकिरराव बोरनारे यांनी आभार मानले.
फोटोओळी कोपरगांव:-
सहकारमहर्षी शंकरराव कोल्हे कारखान्यांचे सभासद बाळासाहेब वल्टे यांचे अपघाती निधन झाल्याने त्याच्या वारस पत्नी श्रीमती शोभाताई वल्टे यांना दोन लाख रुपयांचा धनादेश उपाध्यक्ष आप्पासाहेब दवंगे यांच्या हस्ते प्रदान करण्यांत आला. याप्रसंगी संचालक फकिरराव बारनारे, त्र्यंबकराव सरोदे उपस्थीत होते