कोपरगाव प्रतिनिधी:- कोपरगाव तालुक्यातील लुंबिनी उपवन बुद्ध विहार याठिकाणी विहार परिसराचे सुशोभिकरण करणे व जागेसंदर्भात आज दिनांक ११ जानेवारी रोजी कोपरगाव तालुक्याचे आमदार आशुतोष काळे यांना कोपरगाव नगरपालिकेचे माजी नगराध्यक्ष मंगेश पाटील यांच्या प्रमुख उपस्थितीत व बुद्ध धम्म प्रसारक मंडळाचे अध्यक्ष भिक्खू आनंद सुमन सिरी व मार्गदर्शक भिक्खू काश्यप तसेच बुद्ध धम्म प्रसारक मंडळाचे सदस्य सचिव- रंभाजी रणशुर. सल्लागार अजय विघे, गणेश पवार, अनिल नवगिरे, राहुल धिवर, माजी नगरसेवक अरविंद विघे यांच्या उपस्थित आमदार आशुतोष काळे यांच्या बरोबर सविस्तर चर्चा करून विहाराच्या जागेसंदर्भात व विकास कामासंदर्भात सविस्तर चर्चा करण्यात आली व निवेदन देण्यात आले.
सविस्तर वृत्त असे की बुद्ध धम्म प्रसारक मंडळ ट्रस्ट कोपरगाव हे गेल्या ३५ वर्षापासून लुंबिनी उपवन बुद्धविहाराचे संगोपन करीत आहे त्या ठिकाणी आज पर्यंत धम्मपरिषद, वर्षवास कार्यक्रम, लोकशाहीर वामनदादा कर्डक यांचा नागरी सत्कार तसेच दरवर्षी श्रामनेर शिबिर भरण्याचे काम ट्रस्टच्या माध्यमातून झाले आहे तसेच संपूर्ण परिसराला उपासक-उपासिका यांच्या माध्यमातून वॉल कंपाऊंड चे काम पूर्ण झाले असून सुविधा अंती अजून काही काम बाकी असून तसेच जागेसंदर्भात काम अपूर्ण असून आमदार आशुतोष काळे यांच्या बरोबर सविस्तर चर्चा केली असून त्यांनीदेखील पुढील काम लवकरात लवकर मार्गी लावण्याचा प्रयत्न करणारा असल्याचे आश्वासन दिले असून सर्व बौद्ध तसेच आंबेडकर प्रेमी यांचे लक्ष या कडे लागून आहे.
