कोपरगाव प्रतिनिधी:-
कोळपेवाडी वार्ताहर :- देशाचे पंतप्रधान नरेंद्र मोदी यांच्या प्रमुख उपस्थितीत देहू येथे संत तुकाराम महाराजांच्या शिळा लोकार्पण कार्यक्रमात राज्याच्या साडे बारा कोटी जनतेचे प्रतिनिधित्व करणाऱ्या उपमुख्यमंत्री ना. अजितदादा पवार यांना भाषण करू दिले नाही. हा धार्मिक कार्यक्रम असतांना या कार्यक्रमात देखील भाजपने खालच्या पातळीचे राजकारण करून भाषणाच्या यादीतून जाणीवपूर्वक हटवून त्यांना भाषण करू दिले नाही. हा महाराष्ट्रातील तमाम जनतेचा अपमान असून त्याचा कोपरगाव येथे राष्ट्रवादी काँग्रेसच्या वतीने जाहीर निषेध करण्यात आला आहे.
गुरुवार (दि.१६) रोजी महात्मा गांधी स्मारक कोपरगाव येथे श्री साईबाबा संस्थानच्या विश्वस्त मंडळाचे अध्यक्ष ना. आशुतोष काळे यांच्या मार्गदर्शनाखाली देहू येथे झालेल्या संत तुकाराम महाराजांच्या शिळा लोकार्पण कार्यक्रमात भारतीय जनता पक्षाने राजधर्माचे पालन न करता महाराष्ट्राचे उपमुख्यमंत्री ना. अजितदादा पवार यांना बोलण्याची संधी न दिल्याचा जाहिर निषेध करून आंदोलन करण्यात आले. यावेळी बोलतांना राष्ट्रवादी काँग्रेस पक्षाचे जिल्हा कार्याध्यक्ष संदीप वर्पे म्हणाले की, देहू संस्थानच्या वतीने आयोजित करण्यात आलेल्या धार्मिक कार्यक्रमासाठी देशाचे पंतप्रधान उपस्थित होते. राज्याचे व सरकारचे प्रतिनिधी तसेच पुणे जिल्ह्याचे पालकमंत्री म्हणून उपमुख्यमंत्री ना. अजितदादा पवार उपस्थित होते. मात्र या धार्मिक कार्यक्रमात उपस्थित असलेले विरोधी पक्षनेते यांनी भाषण केले त्या नंतर लगेच पंतप्रधानाचे भाषण झाले. मात्र उपमुख्यमंत्री ना. अजितदादा पवार यांना भाषण करू दिले नाही. त्या धार्मिक कार्यक्रमात उपमुख्यमंत्री ना. अजितदादा पवार यांचा प्रोटोकॉल विरोधी पक्ष नेत्यापेक्षा मोठा असतांना देखील त्यांना भाषण करू दिले नाही त्याचा निषेध करण्यात आला, यावेळी शहराध्यक्ष सुनील गंगूले, शहराध्यक्षा सौ. प्रतिभा शिलेदार, युवक शहराध्यक्ष नवाज कुरेशी यांनी देखील आपले मनोगत व्यक्त करून निषेध नोंदविला.
यावेळी राष्ट्रवादी काँग्रेस पक्षाचे जिल्हा कार्याध्यक्ष संदीप वर्पे, शहराध्यक्ष सुनील गंगूले, कार्याध्यक्ष संतोष चवंडके, राष्ट्रवादी महिला काँग्रेसच्या जिल्हा सचिव सौ. रेखा जगताप, शहराध्यक्षा सौ. प्रतिभा शिलेदार, युवक शहराध्यक्ष नवाज कुरेशी, सेल अध्यक्ष जावेद शेख, रावसाहेब साठे, प्रकाश दुशिंग, कर्मवीर शंकरराव काळे सहकारी साखर कारखान्याचे संचालक हरिभाऊ शिंदे, जिनिंग प्रेसिंग सोसायटीचे चेअरमन गोरक्षनाथ जामदार, गौतम बँकेचे संचालक राजेंद्र ढोमसे, सुनील शिलेदार, माजी पंचायत समिती सदस्य मधुकर टेके, श्रावण आसने, राहुल जगधने, देवेन रोहमारे, शंकरराव चव्हाण, माजी नगरसेवक मंदार पहाडे, फकीर कुरेशी, दिनकर खरे, सौ. मायादेवी खरे, डॉ. चंद्रशेखर आव्हाड, सुंदरराव काळे, प्रल्हाद काळे, राधाकिसन काळे, प्रशांत घुले, सुरेश काळे, नंदकुमार औताडे, प्रशांत वाबळे, वाल्मिक लहिरे, धनंजय कहार, आकाश डागा, मुकुंद इंगळे, किशोर डोखे, मनोज कडू, एकनाथ गंगूले, राजेंद्र आभाळे, गणेश लकारे, प्रसाद उदावंत, सुनील बोरा, विकास बेंद्रे, राजेंद्र जोशी, इम्तियाज अत्तार, मनोज नरोडे, अक्षय आंग्रे, चांदभाई पठाण, दिनेश संत, नितीन साबळे, ऋषीकेश खैरनार, विलास आव्हाड, विष्णु शिंदे, भाऊसाहेब भाबड, रामदास केकाण, बाळासाहेब पानगव्हाणे, अण्णासाहेब बढे, रामराव साळुंके, रविंद्र चीने, दिगंबर बढे, विकी जोशी, पोपट भुजाडे, संतोष शेलार, नितीन शेलार, शैलेश साबळे, संदीप सावतडकर, आंबादास वडांगळे, कैलास मंजुळ, रोहित खडांगळे, संतोष शेजवळ, किरण बागुल, बाबासाहेब शिंदे, अक्षय पवार, राहुल राठोड, रावसाहेब चौधरी, इंद्रभान पानगव्हाणे, विजय बंब, रवींद्र राऊत, संतोष औताडे, धर्मा वक्ते, अमोल नाईक, संतोष दळवी, शैलेश पानगव्हाणे, रविंद्र देवरे, नारायण लांडगे, बाळासाहेब पवार, सौरभ पवार, पांडुरंग कुदळे, राजेंद्र चंदनशिव, विकास रणसिंग, प्रविण चौधरी, शिवाजी गायकवाड, अशोक जाधव, सुखदेव काळे, श्रीकांत काळे, विनायक राजोळे, जुनेद शेख, प्रविण शिलेदार, सुषमा पांडे, दिक्षा उनवणे, भाग्यश्री बोरुडे, शितल वायखिंडे, कविता जिरे, शितल लोंढे, सुभाष कोळपे, कार्तिक नाईक, विलास पाटोळे आदींसह राष्ट्रवादी काँग्रेस पक्षाचे कार्यकर्ते उपस्थित होते.
फोटो ओळ:- देहू येथे संत तुकाराम महाराजांच्या शिळा लोकार्पण कार्यक्रमात उपमुख्यमंत्री ना. अजितदादा पवार यांना बोलण्याची संधी न दिल्याचा जाहिर निषेध करतांना कोपरगाव राष्ट्रवादी कॉंग्रेसचे कार्यकर्ते