कोपरगाव प्रतिनिधी:-
कोळपेवाडी वार्ताहर :- जिल्हा परिषद पंचायत समितीची सत्ता देवून विश्वास दाखविला.त्या विश्वासाला तडा जावू नये यासाठी सर्व सदस्यांनी केलेल्या प्रामाणिक कामातून सर्वच गटात विकास कामे झाली. ब्राम्हणगाव जिल्हा परिषद गटात देखील मोठ्या प्रमाणात शाळा खोल्या बांधण्यात आल्यामुळे आजवर येत असलेल्या शिक्षणाच्या अडचणी दूर झाल्या आहेत. दोन वर्षात मतदार संघातील बहुतांश गावात विकास पोहोचला असून प्रत्येक गावात विकास पोहोचवयाचा आहे. त्यासाठी तुमच्या हक्काचा लोकप्रतिनिधी या नात्याने विकासाचे सर्व प्रश्न सोडविण्यास बांधील असल्याचे प्रतिपादन आ. आशुतोष काळे यांनी करंजी येथे एका कार्यक्रमात केले.
कोपरगाव तालुक्यातील करंजी येथे करंजी ते बोकटा (शिव) रस्ता डांबरीकरण कामाचे भूमिपूजन जिल्हा परिषदेच्या दोन शाळा खोल्यांचे लोकार्पण आ. आशुतोष काळे यांच्या हस्ते करण्यात आले याप्रसंगी ते बोलत होते. कार्यक्रमाच्या अध्यक्षस्थानी सांडूभाई पठाण होते. यावेळी पुढे बोलतांना ते म्हणाले की, मतदार संघातील जनता सूज्ञ आहे. जनतेला विकास पाहिजे. राज्यात शासन कुणाचे आहे व विकास कामे कोण करते याची जनतेला जाणीव आहे. कोरोनामुळे जरी अर्थव्यवस्थेपुढे अडचणी आल्या होत्या मात्र मतदार संघाच्या विकासात अडचणी नव्हत्या. मागील काही महिन्यापासून कोरोना बाधित रुग्णांची संख्या कमी झाल्यामुळे अर्थव्यवस्था पूर्वपदावर येत आहे. त्यामुळे यापुढील काळात देखील राज्यशासनाकडून मतदार संघाच्या सर्वांगीण विकासासाठी जास्तीत जास्त निधी आणण्यासाठी प्रयत्न करणार असल्याचे त्यांनी सांगितले.
यावेळी सभापती सौ. पोर्णिमा जगधने, कारभारी आगवण,कर्मवीर शंकरराव काळे सहकारी साखर कारखान्याचे संचालक बाळासाहेब बारहाते,संजय आगवण, माजी संचालक चांगदेव आगवण, विलास परजणे, गोवर्धन परजणे, बाबासाहेब शिंदे, राहुल जगधने, गणेश दाणे,जालिंदर संवत्सरकर, भाऊसाहेब नवगिरे, भरत जगताप, मच्छिंद्र भिंगारे, विजय कदम, भास्कर रहाणे, रविंद्र भिंगारे, भावूरव कापसे, भैय्या शेख गट शिक्षणाधिकारी पोपट काळे,शबाना शेख, शाखा अभियंता सी.टी. लाटे, मुख्याध्यापक हरिभाऊ वाघ, ठेकेदार संदीप उंडे, किशोर डमाळे आदी मान्यवरांसह ग्रामस्थ उपस्थित होते.
चौकट :- तालुक्याच्या पूर्व भागातील अत्यंत महत्वाच्या असलेल्या संजीवनी कारखाना ते पढेगाव गोदावरी जुन्या कालव्या पर्यंतच्या रस्त्याच्या कामाची २.५ कोटीची निविदा प्रसिद्ध झाली असून लवकरच कामाला सुरुवात होणार आहे. – आ. आशुतोष काळे
फोटो ओळ – करंजी येथे रस्त्याच्या कामाचे भूमिपूजन व जि.प.शाळा खोल्यांचे लोकार्पण प्रसंगी आ. आशुतोष काळे व मान्यवर.