कोपरगांव प्रतिनिधी:-
तालुक्यातील ब्राह्मणगांव येथे शिवबा प्रतिष्ठान, संजीवनी युवा प्रतिष्ठान आणि जनार्दन हॉस्पीटलच्या सहकार्याने सर्वरोग निदान शिबीर घेण्यांत आले त्याचे उद्घाटन भाजपाच्या प्रदेश सचिव स्नेहलता कोल्हे यांनी केले. ग्रामीण भागात असे उपक्रम गरजेचे असल्याल्याचे मत त्यांनी व्यक्त केले.
प्रारंभी शिववा प्रतिष्ठानचे अध्यक्ष अनुराग येवले यांनी प्रास्तविक केले. याप्रसंगी जिल्हा भाजपा उपाध्यक्ष शरद थोरात, कोल्हे कारखान्याचे संचालक निवृत्ती बनकर, भाजपा तालुकाध्यक्ष साहेबराव रोहोम, भाजपायुवामोर्चाचे तालुकाध्यक्ष विक्रम पाचोरे, माजी सभापती सुनिल देवकर, चांगदेवराव आसने, उपसरपंच रामदास पवार, अशोक येवले, बाळासाहेब बनकर, आण्णा वाकचौरे, संजय वाकचौरे, जगन आहेर, सरपंच विकास मोरे, बाजार समितीचे संचालक बापूसाहेब सूराळकर, ग्रामपंचायत सदस्या जिजाबाई भुजाडे, विविध संस्थांचे आजी माजी पदाधिकारी, जनार्दन स्वामी हॉस्पीटलचे सर्व वैद्यकिय अधिकारी, पंचक्रोशीतील नागरीक मोठ्या संख्येने उपस्थीत होते.
सौ-स्नेहलता कोल्हे म्हणाल्या की, ग्रामीण भागात कोरोनामुळे अर्थकारण ठप्प झाले आहे, वैद्यकिय सुविधा मिळविताना कष्ट पडत आहे. त्यासाठी संजीवनी युवा प्रतिष्ठानचे अध्यक्ष विवेक कोल्हे यांनी आरोग्य शिबीरे भरवुन त्यातुन वंचित घटकांचे प्रश्न सोडवण्यासाठी योग्य पाऊल उचलले आहे. ब्राह्मणगावच्या शिवबा प्रतिष्ठानचे अनुराग येवले व त्यांचे सर्व युवकानी आरोग्याच्या उपक्रमांत साथ केली हा उपक्रम इतरांना प्रेरणादायी असल्याचे त्या म्हणाल्या. शेवटी भाजपा युवा मोर्चाचे विक्रम पाचोरे यांनी आभार मानले.