सौ. सुशीलामाई काळे राज्यस्तरीय ऑनलाईन वक्तृत्व स्पर्धा उद्घाटन सोहळा संपन्न..!!
कोपरगाव प्रतिनिधी:-
कोळपेवाडी वार्ताहर :- स्व. सौ. सुशीलामाई काळे यांनी मुलींच्या शिक्षणाचे स्वप्न पाहिले होते. मुलांप्रमाणे मुलींना देखील शिक्षणाच्या संधी उपलब्ध झाल्यास आपल्या बुद्धिमत्तेच्या जोरावर मुली देखील विविध क्षेत्रात नैपुण्य मिळवू शकतात. मुलींसाठी शाळा सुरु कराव्यात असा त्यांचा आग्रह होता. त्याबाबत त्यांनी कर्मवीर शंकररावजी काळे साहेब यांच्याकडे लकडा लावला होता. मुलींच्या शिक्षणासाठी स्व. सौ. सुशीलामाईंची तळमळ पाहून कर्मवीर शंकररावजी काळे यांनी अनके ठिकाणी महिला विद्यालय व महाविद्यालय सुरु केले. या महाविद्यालयात लाखो मुलीनी शिक्षण घेतले असून माईंनी मुलींच्या शिक्षणाचे पाहिलेले स्वप्न पूर्ण झाले आहे. त्यामुळे मुलींच्या शिक्षणात सौ. सुशीलामाई काळेंचे मोठे योगदान आहे असे प्रतिपादन कर्मवीर शंकरराव काळे सहकारी साखर कारखान्याचे व्हा. चेअरमन सुधाकर रोहोम यांनी केले.
कोपरगाव तालुक्यातील सुरेगाव-कोळपेवाडी येथील रयत संकुलातील राधाबाई काळे कन्या विद्या मंदिर येथे स्व. सौ. सुशीलाताई उर्फ माईसाहेब काळे यांच्या स्मृतिप्रीत्यर्थ आयोजित करण्यात आलेल्या ऑनलाईन वक्तृत्व स्पर्धेचे स्पर्धेच्या उद्घाटन याप्रसंगी ते बोलत होते. कार्यक्रमाच्या अध्यक्षस्थानी पंचायत समितीच्या सभापती सौ. पौर्णिमा जगधने होत्या.
स्कूल कमिटी सदस्य संभाजीराव काळे, कचरू कोळपे, व्यवस्थापन समिती सदस्य डॉ. आय. के. सय्यद, भाऊसाहेब लुटे, छत्रपती शिवाजी विद्यालयाचे मुख्याध्यापक कल्याणराव सोनवणे, मुख्याध्यापिका सौ. छाया काकडे, उपमुख्याध्यापक मधुकर गोडे, पर्यवेक्षक रमेश मोरे, ज्यू. कॉलेज विभागप्रमुख अंगद काकडे, विविध शाखेतून आलेले परीक्षक इत्यादी उपस्थित होते. कार्यक्रमाचे सूत्रसंचालन श्रीमती रोहिणी म्हस्के यांनी केले तर आभार प्रदर्शन रवींद्र मेढे यांनी मानले. कार्यक्रम यशस्वी करण्यासाठी ज्येष्ठ शिक्षक सुरेश खंडीझोड, प्रभाकर आभाळे आदी शिक्षकवृंद व शिक्षकेतर सेवक यांनी परिश्रम घेतले.
फोटो ओळ:-
स्व. सौ.सुशीलामाई काळे यांच्या स्मृतिप्रीत्यर्थ आयोजित ऑनलाईन वक्तृत्व स्पर्धेच्या उद्घाटन प्रसंगी बोलतांना कर्मवीर शंकरराव काळे कारखान्याचे व्हा. चेअरमन सुधाकर रोहोम व मान्यवर.