कोपरगाव प्रतिनीधी:-
वसंतदादा शुगर इन्स्टिट्यूट पुणे या संस्थेकडून दरवर्षी साखर कारखानदारीतील सर्वोत्कृष्ट कामगिरीबद्दल पुरस्कार दिले जातात त्यात सहकारमहर्षी शंकरराव कोल्हे सहकारी साखर कारखान्यांस हंगाम २०२०. २१ बद्दल राज्यस्तरावरील उत्कृष्ट तांत्रीक कार्यक्षमता पुरस्कार माजी केंद्रीयमंत्री शरदचंद्र पवार, सहकार मंत्री बाळासाहेब पाटील यांच्या हस्ते रविवारी ५ जुन रोजी पुणे येथे गृहमंत्री दिलीपराव वळसे, आरोग्यमंत्री डॉ. राजेश टोपे, माजी सहकार मत्री हर्षवर्धन पाटील, माजी उपमुख्यमंत्री विजयसिंह मोहिते-पाटील, व्ही. एस. आय.चे महाव्यवस्थापक शिवाजीराव देशमुख, साखर आयुक्त शेखर गायकवाड यांच्या प्रमुख उपस्थितीत प्रदान करण्यांत आला, त्याचा स्विकार कारखान्याचे अध्यक्ष बिपीनदादा कोल्हे, युवासंचालक विवेकभैय्या कोल्हे, सर्व संचालक मंडळाने केला.
दोन दिवसीय राज्यस्तरीय साखर परिषद वसंतदादा शुगर इन्स्टिट्यूट पुणे कार्यस्थळावर आयोजित करण्यात आली होती त्याचा समारोप रविवारी झाला त्यात हा पुरस्कार प्रदान करण्यात आला. सहकारी साखर कारखानदारीत माजी मंत्री स्व. शंकरराव कोल्हे यांनी देश व राज्य पातळीवर नेत्रदीपक कामगिरी केली असून त्यांची आठवण आजही झाल्यावाचून राहत नाही, सहकारमहर्षी शंकरराव कोल्हे साखर कारखान्याने अनेक पायलट प्रकल्प सुरू करून अन्य कारखान्यांना सातत्याने मार्गदर्शन केले आहे, त्यांचा वसा कोल्हे यांची पुढची पिढी समर्थपणे चालवीत आहे असे उद्गार माजी केंद्रीय मंत्री शरद पवार यांनी यावेळी काढले.
माजीमंत्री स्व. शंकरराव कोल्हे यांनी ग्रामीण अर्थकारणाला बळकटी देण्यासाठी सहकारमहर्षी शंकरराव कोल्हे सहकारी साखर कारखान्याची १९६० साली मुहुर्तमेढ रोवली, कारखान्याने आजवर देश व राज्य पातळीवरील 23 पुरस्कार मिळवले आहेत. आधुनिक तंत्रज्ञानाचा कार्यक्षम वापर, काटकसर, खुल्या अर्थव्यवस्थेतील स्पर्धा आणि संधी, साखर व त्यातून उपपदार्थाबरोबरच इथेनॉल, सहवीज निर्मीती आणि आता पॅरासिटामॉल औषधी उत्पादन प्रकल्पाची उभारणी यां पंचसुत्रीवर सहकारमहर्षी शंकरराव कोल्हे सहकारी साखर कारखाना देशपातळीवर मार्गक्रमण करत असल्यामुळेच कारखान्याचा हा बहुमान असुन सदरचा पुरस्कार कारखान्याचे सर्व भागधारक सभासद ऊस उत्पादक शेतकरी व ज्ञात-अज्ञात बांधवांना समर्पीत करतो असे प्रतिपादन संजीवनी उद्योग समुहाचे अध्यक्ष बिपीनदादा कोल्हे यावेळी बोलतांना केले.
स्व. शंकरराव कोल्हे यांचा कारखानदारी व सामाजिक कार्याचा वसा घेऊन पुढे वाटचाल करत असून त्यांचे स्वप्न साकार करण्यासाठी सर्वांच्या सहकार्याने प्रयत्नशील राहू असे कारखान्याचे संचालक व जिल्हा बँकेचे संचालक विवेकभैय्या कोल्हे यांनी म्हंटले. स्व. शंकरराव कोल्हे यांनी हयातभर जोपासलेली साखर कारखानदारी आणि त्यातून मिळालेला हा पुरस्कार त्यांच्याच कार्यकुशलतेचा नांवलौकीक असल्याची प्रतिक्रिया भाजपाच्या प्रदेश सचिव स्नेहलताताई कोल्हे दिली.
पुरस्कार प्रसंगी उपाध्यक्ष आप्पासाहेब दवंगे, संचालक सर्वश्री. अरुणराव येवले, सोपानराव पानगव्हाणे, प्रदिप नवले, संजय होन, ज्ञानेश्वर परजणे, फकिरराव बोरनारे, मनेष गाडे, राजेंद्र कोळपे, बाळासाहेब नरोडे, निवृत्ती बनकर, शिवाजीराव वक्ते, अशोकराव भाकरे, मच्छिंद्र लोणारी, अशोकराव औताडे, वेणुनाथ बोळीज, कार्यकारी संचालक बाजीराव जी. सुतार, अॅडमिनीस्ट्रेटीव्ह मॅनेजर प्रकाश डुंबरे, चीफ केमिस्ट विवेक शुक्ला, चीफ इंजिनियर के.के. शाक्य, महात्मा फुले कृषी विद्यापीठाचे वरिष्ठ शास्त्रज्ञ डॉ. बापुसाहेब भाकरे, केशव होन आदि उस्पस्थीत होते. सहकारमहर्षी शंकरराव कोल्हे सहकारी साखर कारखान्यास मिळालेल्या पुरस्काराबद्दल सर्वत्र कारखाना व्यवस्थापनाचे अभिनंदन होत आहे.
फोटो ओळी:- कोपरगाव
सहकारमहर्षी शंकरराव कोल्हे सहकारी साखर कारखान्यांस हंगाम २०२०. २१ बद्दल वसंतदादा शुगर इन्स्टिट्यूट पुणेे या संस्थेच्याा वतीने राज्यस्तरावरील उत्कृष्ट तांत्रीक कार्यक्षमता पुरस्कार माजी केंद्रीयमंत्री शरदचंद्र पवार, सहकार मंत्री बाळासाहेब पाटील यांच्या हस्ते प्रदान करण्यात आला, त्याचा स्वीकार अध्यक्ष बिपिनदादा कोल्हे, युवा संचालक विवेकभैय्या कोल्हे व सर्व संचालक मंडळ, कार्यकारी संचालक बाजीराव सुतार यांनी केला.