कोपरगांव प्रतिनिधी:-
पायी पालखी सोहळयात एकमेकांच्या गावातील ऐतिहासिक माहितींचे अदान प्रदान केले जाते, कोपरगांवची तरुणाई अचानक क्लबच्या माध्यमातुन गेल्या बावीस वर्षापासुन कोपरगांव श्रीमंत गणेश मंदिर ते वणी सप्तशृंगी गड पायी पालखी घेवुन येथील ऐतिहासिक पार्श्वभूमिचे जतन करतात असे प्रतिपादन जिल्हा सहकारी बँकेचे संचालक, कोपरगांव औद्योगिक वसाहत व संजीवनी युवा प्रतिष्ठानचे अध्यक्ष विवेक कोल्हे यांनी केले.
कोपरगांवच्या गांधीनगर सह सलग्न प्रभागातील अचानक क्लबची तरुणाई संस्थापक अध्यक्ष अशोक लकारे, पालिका गटनेते रविंद्र पाठक, अध्यक्ष सागर ढोणे यांच्या नेतृत्वाखाली शंभर युवक गेल्या बावीस वर्षापासून वणी सप्तशृंगी देवी पायी पालखी सोहळ्याचे आयोजन करत असुन त्याचे विधीवत पुजन युवानेते विवेक कोल्हे यांच्या हस्ते झाले त्याप्रसंगी ते बोलत होते.
प्रारंभी भाजपाचे शहराध्यक्ष दत्ता काले यांनी प्रास्तविक केले. याप्रसगी सर्वश्री. विजय आढाव, पराग संधान, माजी उपनगराध्यक्ष स्वप्नील निखाडे, गोपि गायकवाड, शिवाजी खांडेकर, प्रसाद आढाव, निलेश बोराडे, रवि रोहमारे, फकिर महंमद पहिलवान, स्वराज लकारे, श्रीकांत लकारे, वैभव लहिरे, ओंकार जाधव, हरि जाधव, रविंद्र गंगुले, आशाताई पाठक, रंजना तिरमखे, मीना लहिरे, बापू लहिरे, ओमकार बागुल, संतोष राक्षे, तेजस मरसाळे, रोहन लकारे, बजरंग जाधव, पंकज कहार, तेजस कहार, विशाल वैरागळ, सत्यम रोकडे, साजन रोकडे, विकी तुंबारे, राकेश सोनवणे, यश लकारे, अभिषेक लकारे, सचिन लकारे, ओकार जाधव, कुणाल गंगुले, जुबियन मनियार, अनिकेत डांगे, प्रसाद शेलार, सोमनाथ शिंगाडे यांच्यासह विविध संस्थाचे पदाधिकारी कार्यकर्ते मोठया संख्येने उपस्थित होते.
श्री. विवेक कोल्हे पुढे म्हणाले की, कोपरगांव शहर आणि तालुक्याला मोठा ऐतिहासिक वारसा असुन सप्तशृंगी गड पायी पालखी सोहळयात सहभागी झालेले युवक प्रत्येक वर्षी गावागावातील माहितींचे अदान प्रदान करून त्यातुन विविध संस्काराची शिकवण देतात. ऐतिहासिक संस्कृतीचा वारसा जपवणूक करतात. साडेतीन शक्तीपिठापैकी वणी सप्तशृंगी देवीचे अर्धे पीठ असुन गेल्या दोन वर्षापासुन कोरोना महामारीच्या प्रकोपात येथील तरूणाईने शहर स्वच्छता अभियानाबरोबरच अन्य संकटात मदत केली. पायी पालखी सोहळयात एकमेकातील भाईचारा जोपासला जातो. युवकांनी व्यसनमुक्तीबरोबरच केंद्र व राज्य शासनस्तरावरील प्रत्येक सामाजिक अभियानात सहभाग घेवुन कोपरगांव शहर व तालुक्याचा नांवलौकीक वाढवावा असे ते म्हणाले. शेवटी अचानक क्लबचे संस्थापक अध्यक्ष अशोक लकारे यांनी आभार मानले.
फोटोओळी:- कोपरगाव
कोपरगांवच्या अचानक क्लबची तरुणाई संस्थापक अध्यक्ष अशोक लकारे, पालिका गटनेते रविंद्र पाठक, अध्यक्ष सागर ढोणे यांच्या नेतृत्वाखाली बावीस वर्षापासून कोपरगांव ते वणी सप्तशृंगी देवी पायी पालखी सोहळ्याचे आयोजन करतात त्याचे विधीवत पुजन युवानेते जिल्हा बँकेचे संचालक विवेक कोल्हे यांच्या हस्ते झाले.