कोपरगांव प्रतिनिधी:-
तालुक्यातील श्रीक्षेत्र कोकमठाण येथील पुण्यनगरीत १७५ वा गंगागिरी महाराजांचा अखंड हरिनाम सप्ताहाची सुरुवात नागपंचमी (२ ऑगस्ट) रोजी झाली त्याप्रसंगी संजीवनी उद्योग समुहाच्यावतीने सहकारमहर्षी शंकरराव कोल्हे सहकारी साखर कारखान्यांचे नवनिर्वाचित अध्यक्ष विवेकभैय्या कोल्हे यांनी महंत रामगिरी महाराज यांचे विधीवत पुजन करून त्यांचे स्वागत केले.
कोपरगांव ही भूमि संत महंतांच्या पदस्पर्शाने पावन झालेली आहे. दक्षिण गंगा गोदावरी नदीचा काठ ऐतिहासिक प्रभु श्रीरामचंद्राच्या चौदा वर्षे वनवासाचा काही काळ येथे व्यतित झालेला असुन गुरू शुक्राचार्य कच देवयानी अख्यान येथे घडलेले आहे. लेनेको हरिनाम आणि देनेको अन्नदान यातुन गंगागिरी महाराजांच्या सप्ताहाची व्यापी संपुर्ण महाराष्ट्र राज्यात आहे. गेल्या दोन वर्षापासून कोरोना महामारीमुळे अखंड हरिनाम सप्ताह सार्वजनिक रित्या भरवण्यासाठी मर्यादा आल्या होत्या. दोन वर्षाच्या खंडानंतर कोकमठाण येथे प्रथमच सार्वजनिकरित्या गंगागिरी महाराजांचा सप्ताह सुरू झाल्याने महाराष्ट्र राज्यातील भाविकांचे सप्ताहस्थळी मोठ्या प्रमाणात आगमन होत आहे, त्यांच्या नियोजनासाठी आतापासूनच व्यवस्था करावी लागणार आहे, कोकमठाण तीर्थक्षेत्री सुरू झालेला १७५ वा अखंड हरिनाम सप्ताह व्यवस्थीतरित्या पार पडेल त्यासाठी पंचकोशीतील सर्वांचा सहभाग मोलाचा आहे असेही ते म्हणाले. सप्ताह सुरळीत पार पडण्यासाठी संजीवनी उद्योग समुहाचे अध्यक्ष बिपीनदादा कोल्हे, भाजपाच्या प्रदेश सचिव स्नेहलता कोल्हे यांनी वेळोवेळी नियोजनपूर्व बैठकीत भाग घेत यातील उणिवा दुर करून सहभागी भाविकांना आवश्यक त्या सुविधा पुरविण्यासाठी सर्वांच्या सहकार्याने काम करत आहे. युवकांचा सहभाग वाढविण्यासाठी विवेकभैय्या कोल्हे व त्यांचे सर्व सहकारी प्रयत्नशील आहेत. आंतरराष्ट्रीय धार्मिक स्थळ साईबाबांची शिर्डी पासून कोकमठाण गंगागिरी महाराज सप्ताह स्थळ अंतर अतिशय जवळ असल्याने दर्शनासाठी येणाऱ्या भाविकांचे नियोजनातही लक्ष द्यावे लागणार आहे., असेही विवेक भैय्या कोल्हे शेवटी म्हणाले.
फोटो ओळी:- कोपरगांव
तालुक्यातील श्रीक्षेत्र कोकमठाण येथील पुण्यनगरीत १७५ वा गंगागिरी महाराजांचा अखंड हरिनाम सप्ताह सुरू झाला त्यात संजीवनी उद्योग समुहाच्यावतीने सहकारमहर्षी शंकरराव कोल्हे सहकारी साखर कारखान्यांचे नवनिर्वाचित अध्यक्ष विवेकभैय्या कोल्हे यांनी महंत रामगिरी महाराज यांचे विधीवत पुजन करून त्यांचे स्वागत केले.