कोपरगाव प्रतिनिधी:-
कोळपेवाडी वार्ताहर – कोपरगाव शहराच्या विकासासाठी सर्वोतोपरी मदत करण्याची माझी भूमिका स्पष्ट आहे.त्यामुळे शहरातील नागरिकांना दिलेला शब्द पाळण्यासाठी कोपरगाव शहराच्या विकासासाठी बारा कोटी रुपयांचा निधी दिला आहे.या निधीतून शहरातील महत्वाच्या विकास कामांना प्रारंभ होणार असून शहराच्या विकासाची ब्ल्यू प्रिंट तयार आहे. तरीदेखील शहरातील तरुणाईकडे देखील विकासाच्या नवनवीन कल्पना आहेत. या तरुणाईच्या कल्पनेतील विकास प्रत्यक्षात उतरविण्यासाठी तरुणांचा सहभाग अत्यंत महत्वाचा असल्याचे प्रतिपादन आ.आशुतोष काळे यांनी केले.
कोपरगाव शहरातील भाजपचे कट्टर कार्यकर्ते मनोज नरोडे व जितेंद्र गोडसे यांनी भाजपला कायमचा रामराम ठोकत आ.आशुतोष काळे यांच्या उपस्थितीत राष्ट्रवादी काँग्रेसमध्ये जाहीर प्रवेश केला याप्रसंगी ते बोलत होते. यावेळी आ.आशुतोष काळे यांनी त्यांचे स्वागत केले.
याप्रसंगी आपले मनोगत व्यक्त करतांना भाजपमधून राष्ट्रवादी काँग्रेसमध्ये आलेले मनोज नरोडे यांनी सांगितले की,आमदार आशुतोष काळे यांची काम करण्याची कार्यपद्धती पाहून आम्ही प्रभावित झालो आहे.कोपरगाव शहराच्याच नव्हे तर संपूर्ण कोपरगाव विधानसभा मतदार संघाच्या विकासाचे व्हिजन असलेले लोकप्रतिनिधी आ.आशुतोष काळे यांच्या रूपाने लाभले आहे.कोरोनाच्या संकटात योग्य त्या उपाय योजना करून नागरिकांचे आरोग्य तर अबाधित ठेवले त्याचबरोबर प्रतिकूल परिस्थितीचा मतदार संघाच्या विकासावर परिणाम होऊ दिला नाही त्याला कोपरगाव शहर देखील अपवाद नाही.त्यांच्या दोन वर्षाच्या कामाचा धडाका पाहता आम्ही स्वयंस्फूर्तीने त्यांच्या मार्गदर्शनाखाली काम करण्यास पुढे आलो असल्याचे सांगितले.
याप्रसंगी राष्ट्रवादी काँग्रेसचे शहराध्यक्ष सुनील गंगूले, नगरसेवक गटनेते विरेन बोरावके, मंदार पहाडे ,संदीप पगारे , अजिज शेख, मेहमूद सय्यद, दिनार कुदळे ,कृष्णा आढाव, सुनील गंगुले ,फकीर मामू कुरेशी, रमेश गवळी, नवाज कुरेशी, संदीप कपिले, वाल्मीक लहिरे, अॅड.विद्यासागर शिंदे, राहुल देवळालीकर, संतोष शेलार, सचिन परदेशी, रावसाहेब साठे,चंद्रशेखर मस्के,अंबादास वडांगळे, अॅड.मनोज कडू, जावेद शेख, डॉ.चंद्रशेखर आव्हाड, डॉ.कुणाल घायतडकर आदी मान्यवरांसह राष्ट्रवादी कॉंग्रेसचे पदाधिकारी मोठ्या संख्येने उपस्थित होते.
फोटो ओळ:- भाजप कार्यकर्त्यांनी राष्ट्रवादी काँग्रेसमध्ये प्रवेश केला त्यावेळी त्यांचे स्वागत करतांना आ.आशुतोष काळे.