कोपरगाव प्रतिनिधी:-
कोळपेवाडी वार्ताहर- हे गौतम पब्लिक स्कूलचे माजी विद्यार्थी व सार्वजनिक बांधकाम विभाग अकोले येथे कार्यरत असलेले दानिश शेख यांची नुकतीच नाशिक महानगरपालिकेच्या कनिष्ठ अभियंतापदी नियुक्ती झाली असून कर्मवीर शंकरराव काळे एज्युकेशन सोसायटीचे विश्वस्त आमदार आशुतोषकाळे यांनी त्यांचे अभिनंदन करून त्यांना पुढील वाटचालीसाठी शुभेच्छा दिल्या आहेत.
अभियंता दानिश शेख हे गौतम पब्लिक स्कूलचे प्राचार्य नूर शेख यांचे धाकटे चिरंजीव व सध्या मीरा-भाईंदर नवघर डिव्हिजन येथे एसीपी म्हणून कार्यरत असलेले सोहेल शेख यांचे ते धाकटे बंधू आहेत. दानिश शेख यांचे शिक्षण गौतम पब्लिक स्कूलमध्ये झाले असून अभियांत्रिकी शिक्षण येवला व संगमनेर येथे पूर्ण केले आहे. ते हॉकीचे उत्कृष्ट खेळाडू असून देश व राज्य पातळीवरील अनेक स्पर्धा त्यांनी गाजवल्या आहेत.
त्यांच्या नियुक्तीबद्दल संस्थेचे चेअरमन माजी आमदार अशोकराव काळे तसेच संस्थेच्या सचिव सौ.चैतालीताई काळे यांनी गौतम परिवाराच्या वतीने त्यांचे अभिनंदन करून भावी वाटचालीसाठी शुभेच्छा दिल्या आहेत. याप्रसंगी संस्थेचे इन्स्पेक्टर नारायण बारे, गौतम पॉलिटेक्निकचे प्राचार्य वासिम शेख उपस्थित होते.