कोपरगाव प्रतिनिधी:-
कोळपेवाडी वार्ताहर:- कोपरगाव तालुक्यातील कान्हेगाव विविध सेवा सहकारी सोसायटीच्या निवडणुकीत माजी आमदार अशोकराव काळे व श्री साईबाबा संस्थानच्या विश्वस्त मंडळाचे अध्यक्ष ना. आशुतोष काळे यांच्या मार्गदर्शनाखाली काळे गटाने बहुमत मिळवून सत्ता मिळविली आहे.
कान्हेगाव विविध सेवा सहकारी सोसायटीची पंच वार्षिक निवडणूक नुकतीच पार पडली असून या निवडणुकीत एकूण १३ जागांपैकी ७ जागा जिंकून सत्ता हस्तगत करून देर्डे चांदवड सोसायटीच्या निवडणुकीत विजय मिळविल्यानंतर काळे गटाने दुसऱ्या विजयाची नोंद करतांना कान्हेगाव सेवा सोसायटी वर आपला झेंडा रोवला आहे. यामध्ये काळे गटाचे विजयी उमेदवार पुढील प्रमाणे विजय एकनाथ चौधरी, गोरख सखाराम सांगळे, दीपक भाऊसाहेब भाकरे, सोपान भिकाजी काळे, गोपीनाथ विजय भाकरे, रामदास कारभारी चौधरी, सुनील शिवाजी काजळे यांचा समावेश आहे. बहुमत मिळताच कार्यकत्यांनी गुलालाची उधळण करून आपला आनंद व्यक्त केला.
सर्व विजयी उमेदवारांचे तसेच निवडणुकीत यश संपादन करण्यासाठी परिश्रम घेणाऱ्या सर्व कार्यकर्त्यांचे माजी आमदार अशोकराव काळे व श्री साईबाबा संस्थानच्या विश्वस्त मंडळाचे अध्यक्ष ना. आशुतोष काळे यांनी अभिनंदन केले आहे.सेवा सोसायटीच्या निवडणुकीत प्रत्येक गटाने आपली सत्तास्थाने अबाधित ठेवण्याचा प्रयत्न करून अधिकचे यश मिळविण्यासाठी सर्वोतोपरी प्रयत्न करीत आहे यामध्ये काळे गटाला यश मिळत आहे.