आदर्श गणित शिक्षक पुरस्काराने श्री. सुरेंद्र शिरसाळे यांचा सन्मान
शैक्षणिक क्षेत्रातील उल्लेखनीय कार्याची दखल; सर्व स्तरांतून अभिनंदनाचा वर्षाव…
कोपरगाव, प्रतिनिधी :- श्रीमान गोकुळचंदजी विद्यालय, कोपरगाव येथील उपमुख्याध्यापक श्री. सुरेंद्र शिरसाळे यांना शिक्षण क्षेत्रातील उल्लेखनीय योगदानाबद्दल प्रतिष्ठेचा ‘आदर्श गणित शिक्षक पुरस्कार’ प्रदान करून गौरविण्यात आले. त्यांच्या या यशामुळे विद्यालयासह संपूर्ण कोपरगावच्या शैक्षणिक क्षेत्रात आनंदाचे वातावरण निर्माण झाले आहे.
गणित विषयाचे प्रभावी, नाविन्यपूर्ण व विद्यार्थीकेंद्री अध्यापन, विद्यार्थ्यांमध्ये गणिताविषयी गोडी निर्माण करण्यासाठी केलेले सातत्यपूर्ण प्रयत्न तसेच शैक्षणिक गुणवत्तावाढीसाठी दिलेल्या मोलाच्या योगदानाची दखल घेत त्यांना हा पुरस्कार प्रदान करण्यात आला.
श्री. शिरसाळे यांच्या या यशाबद्दल श्रीमान गोकुळचंदजी शिक्षण संस्थेचे अध्यक्ष कैलास ठोळे, सचिव दिलीप अजमेरे, सहसचिव सचिन अजमेरे, स्थानिक स्कूल कमिटीचे चेअरमन चंद्रकांत ठोळे तसेच सदस्य डॉ. अमोल अजमेरे, संदीप अजमेरे, आनंद ठोळे आणि राजेश ठोळे यांनी त्यांचे अभिनंदन करून पुढील शैक्षणिक वाटचालीसाठी शुभेच्छा दिल्या.
याशिवाय विद्यालयातील शिक्षक, शिक्षकेतर कर्मचारी, विद्यार्थी, पालक आणि शिक्षणप्रेमींनीही श्री. शिरसाळे यांच्यावर अभिनंदनाचा वर्षाव केला. त्यांच्या या यशामुळे श्रीमान गोकुळचंदजी विद्यालयाच्या शिरपेचात आणखी एक मानाचा तुरा रोवला गेला असून, हा सन्मान संपूर्ण संस्थेसाठी अभिमानाची बाब असल्याची भावना मान्यवरांनी व्यक्त केली.