कोपरगांव प्रतिनिधी:-
संजीवनी उद्योग समुहाचे संस्थापक माजीमंत्री शंकरराव कोल्हे, व कोल्हे कारखान्यांचे अध्यक्ष बिपीनदादा कोल्हे, माजी आमदार स्नेहलता कोल्हे व तज्ञ संचालक विवेक कोल्हे यांच्या मार्गदर्शनाखाली जिल्हयात अग्रगण्य असलेल्या तालुक्यातील शिंगणापुर येथील सहकारमहर्षि शंकरराव कोल्हे सहकारी साखर कामगार पतपेढीस ४८ लाख ५५ हजार रूपयांचा नफा झाल्याची माहिती अध्यक्ष बाळासाहेब दौलतराव शेटे यांनी दिली. पतपेढीची ५७ वी वार्षीक सर्वसाधारण सभा गुरुवारी कारखाना कार्यस्थळावर पार पडली त्याप्रसंगी ते बोलत होते. याप्रसंगी कार्यकारी संचालक बाजीराव जी. सुतार यांनी सभासदांना मार्गदर्शन केले.
संस्थेचे उपाध्यक्ष दत्तात्रय पवार व सर्व संचालकांच्या हस्ते इयत्ता दहावी व बारावी मध्ये विशेष गुणवत्ता प्राप्त करणा-या सभासदांच्या पाल्यांचा यावेळी रोख रक्कम पारितोषकासह सत्कार करण्यात आला. सभासद कल्याण निधीतुन वैद्यकिय व मयत झालेल्या सभासदांच्या वारसांना ५९ हजार रूपयांचे आर्थीक सहाय्य करण्यांत आले.
संस्थेचे भागभांडवल १ कोटी १ लाख असुन ४ कोटी ९९ लाख रूपये संस्थेने गुंतवणुक केलेली आहे. तर मार्च अखेर ४ कोटी ४९ लाखाचे फंडस संस्थेकडे जमा आहेत. ११ कोटी ७६ लाख रूपयांचे ठेवी असुन १२ कोटी ४१ लाख रूपयांचे कर्ज वितरण केल्याची माहिती व्यवस्थापक राजेंद्र सोनवणे यांनी दिली.
याप्रसंगी कार्यकारी संचालक बाजीराव जी. सुतार, साखर सरव्यवस्थापक शिवाजीराव दिवटे, हेड ग्रुप एच. आर. पी. जी. गुरव, संचालक सर्वश्री. आर. एस. लोंढे, यु. पी. आहेर, आर. एम. डमाळे, डी. बी. केकाण, तज्ञ संचालक एस. बी. जाधव, निमंत्रीत संचालक बी. ए. कदम, आदि उपस्थित होते. सुत्रसंचलन संचालक चंद्रकांत जाधव यांनी केले तर उपाध्यक्ष दत्तात्रय पवार यांनी आभार मानले. वार्षीक सभा खेळीमेळीच्या वातावरणांत पार पडली.
फोटोओळी:-कोपरगाव सहकारमहर्षि शंकरराव कोल्हे साखर कामगार पतपेढीची ५७ वी वार्षीक सर्वसाधारण सभा पार पडली, त्यात कार्यकारी संचालक बाजीराव सुतार यांनी सभासदांना मार्गदर्शन केले.